Krakkaskrílslæti

Þau eru að fara að skiptast í tvennt, „mótmælin“ gegn „ástandinu“ sem við þurfum að búa við þessa dagana:
- Annars vegar eru vikulegir fundir Harðar Torfasonar, sem nokkur þúsund manns sóttu á tímabili en nú nenna ekki nema nokkur hundruð að mæta á. Þessi grátkór virðist vera á leið úr tísku eins og sturlaði Sturla og vörubílstjórageðveikin á sínum tíma.
- Hins vegar er skríllinn, að mestu samsettur úr gargandi krökkum, sem fylgir Evu Hauksdóttur verslunarkonu í Nornabúðinni og syni hennar umhverfisaktivistanum. 20-30 manna kjarnanum úr þessum hópi tókst loksins að vekja athygli á sér þegar meðlimir hans stöðvuðu umferð á einhverri götu í Reykjavík og lögreglan plokkaði þá af götunni. Síðan hafa þeir hengt sig við vinnuvélar við Kárahnjúka, brotist inn í lögreglustöðina við Hverfisgötu, stundað galdra-gjörninga fyrir framan Stjórnarráðið, reynt að brjótast inn í Seðlabanka, grýtt opinberar stofnanir með eggjum og öðrum matvælum, öskrað á Siv Friðleifsdóttur af þingpöllum, stympast við lögreglu fyrir utan Ráðherrabústaðinn. Allt var þetta þó útmálað sem mikil fjöldamótmæli fólksins í landinu. Töluvert afrek hjá litlum hópi öfga-umhverfissinnaðra krakka í leit að tilgangi í lífinu. Bravó, skríll. Eruð þið búin að ljúka ykkur af? Getum við nú farið að snúa okkur að einhverju gáfulegra, eins og t.d. að bretta upp ermar og fara að endurbyggja efnahag þessa lands? Eða eigum við að halda áfram svolítið lengur að velta okkur vælandi um í sjálfsvorkunn og barnalegum kenjum með tilheyrandi tilgangslausum öskrum og skrækjum?

Ruddust inn í Landsbankann

Athugasemdir

[Tjásan (IP-tala skráð) 17.12.2008 kl. 09:56]

Heyr heyr

[einhvur annar (IP-tala skráð) 17.12.2008 kl. 09:57]

Kjánalegur pistill hjá þér.

[Heiða B. Heiðars, 17.12.2008 kl. 09:59]

Æi vertu ekki að þessu bulli.... nafnlausa gunga ;)

[Sigurður H (IP-tala skráð) 17.12.2008 kl. 10:05]

það skyldi þó ekki vera að þessi bloggari sé í valhöll...nú eða Landsbankanum ;)

taka allavega ekki margir lengur mark á svona fólki sem mótmælir mótmælum,ísland er að sanna sig sem eitt gerspilltasta landi veraldar og "einhverjir" eru tilbúnir að leggja sitt af mörkum til að viðhalda þeim stjórnarfarslega og viðskiptalega vírus sem hefur herjað á þetta land síðan 17.júní 1944.

[Herborg Drífa Jónasdóttir (IP-tala skráð) 17.12.2008 kl. 10:10]

Já,,,hættu  þessu bulli endilega....látum pedofila vinna á leikskólunum og fjárglæframenn í bönkunum...það er ekkert að þessu samfélagi nei nei...

[Haraldur Bjarnason, 17.12.2008 kl. 10:13]

Skil vel núna af hverju þú kýst að vera nafnlaus: GÚNGA

[Þröstur Heiðar (IP-tala skráð) 17.12.2008 kl. 10:21]

Þessi umæli þín eru ekki Blogg. Þetta er pólítískur áróður sem er til þess gerður að svæfa og blekkja fólk. Það sjá það ALLIR landsmenn að spillinginn hérna er gríðarleg.

Þeir fáu sem ekki viðurkenna það eru annaðhvort að verja sín völd eða með afneitun á háu stigi.

Hvorum flokknum tilheirir þú ?

[ómar (IP-tala skráð) 17.12.2008 kl. 10:26]

Já við skulum öll bara stinga höfðinu í sandinn eins og góðum strútum sæmir.

Það leysir öll vandamál að borga bara og þegja. Samstaðann við að borga skuldir óreiðumanna og að samþykkja spillingu er akkurat málið.

Er virkilega til svona viltaust fólk á þessu landi ?

[einhvur, 17.12.2008 kl. 10:27]

Heiða, "einhvur annar" og Haraldur: Kærar þakkir fyrir einkar málefnalegt og innihaldsríkt innlegg. Kurteist í þokkabót.

Sigurður H.: Ef þú ætlar að hafa fyrir því að koma hingað á þetta blogg mitt og kommenta, láttu þá vera að ávarpa mig í þriðju persónu. Og nei, ekki að það skipti máli, en ég er hvorki í valhöll né í landsbankanum, er bara skrifstofublók úti í bæ. Það breytir því ekki að ég hef FULLAN rétt til að tjá mig. Ef þú hefur mótrök gegn mínum málflutningi, reyndu þá að koma þeim frá þér. Það að ég búinn að fá mig fullsaddan að hlusta á öskrandi skríl sem hefur engar tillögur til úrbóta réttlætir ekki að klína á mig að ég sé að "viðhalda þeim stjórnarfarslega og viðskiptalega vírus sem hefur herjað á þetta land síðan 17.júní 1944", sem miðað við dagsetninguna virðist í þínum huga vera það að við lýstum yfir endanlegu sjálfstæði okkar frá Dönum með því að stofna hér lýðveldi.

Herborg Drífa: pedofila? PEDOFILA?? Hvaða pedofila??? Hvorki fréttin né pistill minn fjalla um neina helvítis pedofila. Pistillinn gagnrýnir rakalaust öskur og væl í skríl sem virðist hafa ekkert annað fyrir stafni en að ryðjast með frekju og yfirgangi inn í stofnanir og fyrirtæki í bænum og æla sinni reiði yfir það starfsfólk sem fyrir finnst. Það er aumkunarvert og greinilega óverjandi fyrst að þú þarft að grípa til "pedofila" til að verja þetta.

Þröstur Heiðar: Já, eeeeeinmitt. Þannig að ef einhver úr þögla meirihlutanum sem vinnur vinnuna sína, í stað þessa að öskra með skrílnum, dirfist að segja sína skoðun á málunum þá er það ekki blogg???!? Aaaaaaaaahahahahahahahaha! Ég ætla bara hér með að tilkynna þér að ég hef bara þær skoðanir sem mér sýnist og læt hvorki þig né aðra sem vaða hingað inn með skítkast kúga mig til að þegja. Ég hef alveg eins mikinn rétt til að tjá mína skoðun og þú, væni! Og svo hef ég engin helvítis völd, né er ég haldin neinni afneitun um staðreynd málsins: Íslendingar koma sér ekki upp úr þessum drullupolli sem við erum í með því garga og öskra á þjónustufulltrúa í Landsbankanum. Og ef þú heldur að það sé leiðin út úr vandanum þá ert það ÞÚ sem ert haldinn afneitun. Á háu stigi.

[einhvur, 17.12.2008 kl. 10:33]

ómar: Og hver var að leggja til að við mundum "stinga höfðinu í sandinn"?? Það vantar TILLÖGUR og AÐGERÐIR til að koma okkur ÚT ÚR VANDANUM!!! Eva Hauksdóttir og "Leyniþjónusta götunnar" í Landsbankanum að syngja fyrir þjónustufulltrúa eru ekki AÐGERÐIR til að koma okkur ÚT ÚR VANDANUM. Það er bara einfaldur sannleikur.

[Sigurður H (IP-tala skráð) 17.12.2008 kl. 10:40]

"Pistillinn gagnrýnir rakalaust öskur og væl í skríl sem virðist hafa ekkert annað fyrir stafni en að ryðjast með frekju og yfirgangi inn í stofnanir og fyrirtæki í bænum og æla sinni reiði yfir það starfsfólk sem fyrir finnst."

er ekki í lagi að fólki svari á þann sama hátt sem komið er fram við það?

já ég leyfi mér að halda því fram að íslendingar hafa aldrei verið sjálfstæðir né frjálsir,17.júní 1944 gerðist það eitt að erlendum kúgurum var skipt út fyrir innlenda. 

[Jóhannes H. Laxdal, 17.12.2008 kl. 11:05]

>"Mig grunar að ekki líði á löngu þar til anti-Evrópusinnar fara að marsera niður Laugaveginn, sem skinheads (þjóðernissinnar) öskrandi Sieg Heil!"

Þannig að þeir sem eru fylgjendur ESB eru ekki Þjóðernissinnar ..  hahahaha .. vá,  ég þarf að muna þennan.

Þetta óttarlega barnalegt að lita þá sem eru á móti ESB sem einhverja krúnurakaða nýnasista.  Ég tel mig vera þjóðernissinna og ég er á móti aðild Íslands í ESB en ég er ekki krúnurakaður nýnasisti sem öskrar Sieg Heil yfir morgunverðarborðinu.

Miðað við hvernig sumir moggabloggarar hefur hagað sér í gegnum tíðina þá skilur maður alveg af hverju sumir vilja tjá sínar skoðanir undir nafnleynd ef þeir eru að tala gegn "almennri stefnu bloggara" (svona politically incorrect). Mynduð þið ekki hvortsemer ráðast að honum þótt hann skrifaði undir nafni? einfaldlega af því að hann er "á móti mótmælum"?

[einhvur, 17.12.2008 kl. 11:20]

Sigurður H.: Jæja já? Eru einhverjir búnir að stunda það að mæta í skóla og vinnustaði þessa unga fólks, kasta þar eggjum og sletta málningu og veitast með hrópum að þeim sem þar læra/vinna? Nei, ég hélt ekki.

Einar: "Mig grunar að ekki líði á löngu þar til anti-Evrópusinnar fara að marsera niður Laugaveginn, sem skinheads (þjóðernissinnar) öskrandi Sieg Heil!": Hér er unnið afrek í að grauta saman ótrúlegustu hlutum. Mér hefur t.d. sýnst að lítið vanti upp á viðbjóðslegt útlendingahatrið og nýnasismann í svonefnda "Frjálslynda flokknum" hans Jóns Magnússonar, þó að þeir hamist samt eins og kratarnir við að reyna að koma okkur inn í ESB. Skríllinn sem ryðst inn í Landsbanka og Seðlabanka hefur lítið tjáð sig um Evrópumál, en þú ýjar að því að þarna fari stuðningsmenn þess að við göngum í ESB??? Það væri þá til þess fallið að bæta þann málstað, eða hitt þó heldur.

[ThoR-E, 17.12.2008 kl. 11:32]

Já já.. sættum okkur bara við þetta.

Það er búið að skuldsetja okkur, börnin okkar og barnabörn fyrir hundruðum milljarða vegna skulda útrásarvíkinganna ... þetta gerðist allt beint fyrir framan nefið á "eftirlits" aðilum... FME ... Seðlabanki ... Ríkisstjórn ... Íslendingar verða fyrir aðkasti erlendis vegna gjörða þessara manna ...

Og síðan þegar fólk mótmælir þessu ... (e.s "friðsamleg" mótmæli virka ekki, það skipti engu máli þótt 8000 manns mótmæltu fyrir framan alþingi ... það virkaði ekki) Þá er annaðhvort að hætta þessu.. og sætta sig við þetta. ... eða nota aðrar aðferðir.

Þessir mótmælendur hafa minn stuðning.

[einhvur, 17.12.2008 kl. 11:44]

Ace: Þetta er svona eins og að vera að sökkva í mýri og segja: "Ég er að sökkva. Þá er bara tvennt að gera: Mótmæla með öskrum og skrækjum eða sætta sig við þetta". Hvaða uppgjafaþvættingur er þetta??? Er eina úrræðið að stunda eggjakast og skrílslæti??? Nei! Við þurfum að vinna okkur ÚT ÚR þessum vanda, ekki sitja grenjandi í sýndarmennsku á borð við þessa öskurapaskræki, því: Það. Breytir. Engu.

ENGU!

[Guðmundur G. Hreiðarsson (IP-tala skráð) 17.12.2008 kl. 11:59]

Þetta eru ekki skrílslæti; þetta er lýðræði í verki. Það er eitthvað sem hefur skort hjá þessari blessuðu þjóð minni síðan 1949.

[ThoR-E, 17.12.2008 kl. 12:00]

Já við þurfum að vinna okkur út úr þessu.

En viljum við að þeir sem eiga stóra sök á málinu starfi áfram á sínum ofurlaunum við að "bjarga" málunum ... bjarga því sem þeir klúðruðu með lélegu eftirliti og útrásarvíkingadýrkun.

Nei takk segi ég.

[einhvur, 17.12.2008 kl. 12:03]

Guðmundur: Nei en alveg hreint makalaust! Ég sé þetta núna svo skýrt. Ég hef alveg misst af heilum kafla í kosningalögunum okkar. Til viðbótar við eitthvað tuð þar um að lýðræðið virki þannig að við kjósum á fjögurra ára fresti fulltrúa okkar til þings og í sveitarstjórnir til að framkvæma það sem við viljum í þessu þjóðfélagi þá er þarna bara alveg heill kafli um eggjakast og öskur á þjónustufulltrúa. Skrýtið að þetta skyldi alveg fara fram hjá mér.

[Hlédís, 17.12.2008 kl. 12:20]

einhvur er bara virkilega fyndinn!

[einhvur, 17.12.2008 kl. 12:40]

Ace: OK, gott. Ég vissi að það hlyti að koma að því að ef maður segðist vera búinn að fá nóg af öskrum þá kæmi að því að það örlaði á einhverri umræðu. Og þá skulum við byrja hana:

Ég er sammála þér.

Sko! Þetta er byrjun. Sjáum hvað við komumst langt: Ég er sammála þér um að við eigum ekki að fá þá sem eiga sök á ástandinu til að "bjarga" málunum. Þaðan af síður ef þeir eru á "ofurlaunum". Mér sýnist hins vegar að ég sé þér ekki sammála um að það séu Samfylkingin, Sjálfstæðisflokkurinn, Fjármálaeftirlitið og Seðlabankinn sem skeri sig úr með

1) lélegu eftirliti og

2) útrásarvíkingadýrkun.

Varðandi 1), þá virðumst við hafa breytt okkar löggjöf um fjármálafyrirtæki til að þóknast ESB árið 2002 með því að taka upp mýgrút af tilskipunum sambandsins. Um þetta má lesa í kafla 8 í athugasemdum í þessu frumvarpi hér:

http://www.althingi.is/altext/128/s/0218.html

Þetta virðumst við hafa orðið að gera vegna aðildar okkar að EES. Í kjölfarið hafa svo hverjir ESB-pótentátarnir á fætur öðrum, að ógleymdum Alþjóðagjaldeyrissjóðnum, ausið okkur lofi fyrir að taka rækilega og samviskusamlega upp allt ESB-fjármálaregluverkið. En hvað kemur svo á daginn? Jú, þessar ESB-reglur sem við vorum skylduð til að taka upp reyndust bara vera míglekar og stór-gallaðar. Þótt við tækjum upp eina þeirra samviskusamlega gagngert til að afgreiða það hversu mikið við (þ.e. ríkið) bærum ábyrgð á fjárfestingarfylleríi í einkabönkunum, þ.e. nr. 97/9/EEC (sjá núna: http://www.althingi.is/altext/125/s/0025.html ) þá reyndist það allt vera barasta eitt helbert kjaftæði og ESB beitti okkur kúgun og ofbeldi til að neyða upp á okkur ríkisábrygð á þessum bönkum, sem þó voru seldir fyrir mörgum árum síðan.

Þetta er bara staðreynd málsins þegar kemur að þessu eftirlitsmáli. Ef ekki hefði komið til kúgun ESB þá hefðu þessir einkabankar farið á hausinn, eins og bankar eru að fara á hausinn í Bretlandi, Bandaríkjunum og um allan heim þessa dagana, ÁN ÞESS að við hefðum verið skattlögð til að borga skuldir þeirra.

2) útrásarvíkingadýrkun: Við virðumst nú öll hafa verið slefandi yfir þessu helvítis Séð-og-heyrt-glans-þotuliði. Þar fóru t.d. forsetinn okkar og fjölmiðlarnir fremstir í flokki. ALlt var svo æðislegt og vá! hvað þeir eru sniðugir að græða svona ógeðslega mikið. jibbí-jei! Allt þjóðfélagið virtist mér hjólgratt að komast í stóru jeppana og kaupréttarsamningana. Það var ekket mikið um eggjakast og þjónustufulltrúa-öskur á meðan þotuliðið var á þeytingi. Það hjálpaði ekki mikið til að það var þetta sama þotulið sem átti alla fjölmiðla nema RÚV og samt var RÚV ekki mikið að gramsa í því hvaðan ættu að koma peningar til að borga allar skuldirnar. Fasteignaeigendur brostu heldur ekki minna en allan hringinn þegar fasteignaverð rauk hér út í andskotann. Allir feeeerleeeega happý. Nema helst við grár lýðurinn sem ekki tókum 100% lán eða myntkörfulán eða hvað það nú hét til að kaupa Landkrúser eða íbúð á uppsprengdu verði heldur ákváðum að leigja bara áfram. Nei, þetta fór nú bara nokkuð pent fram hjá okkur. Nema þegar skrúfað var frá útvarpinu eða opnað var eitthvað blað. Þá blöstu við skælbrosandi glansmyndir af "stærstasta landi í heimi".

Við komumst ekkert áfram með að leysa þá drullustöðu sem við erum í með því að halda að það é hægt að finna einhverja Ingibjörgu eða Dabba eða Jón Ásgeir og hengja þau og þar með sé bara málið dautt, skuldirnar borgaðar og vandinn leystur. Það er fínt að búa á til nýja löggu, einhvern sérstakan saksóknara, til að fá "allt upp á borðið" og bla bla bla. Fínt. Flott. Það er örugglega nóg af skít sem hægt er að grafa þar upp og saksækja og ákæra og eyða enn meira af peningunum okkar í fullt af réttarhöldum og dæma svo í einhverja nokkurra mánaða skilorðsbundið fangelsi eins og í Baugsmálinu. En ÞAÐ er ekki það sem LEYSIR þetta MÁL! Það er ekki NÓG að fara á nornaveiðar, nú eða að vera norn á útrásar-veiðum. Við þurfum MEIRA og nú þegar búið er að skrækja í tvo mánuði er kominn tími til að gera ÞAÐ. Þessi umræða – ekki eggjakast og þjónustufulltrúagól – er innlegg í þá vinnu.

[eva (IP-tala skráð) 17.12.2008 kl. 12:46]

Greinilegt að þú aðhlynnist „haltu kjafti“-stefnu sem er gott fyrir þig því þá getur þú verið rólegur yfir allri spillingunni.

Við hin, skríllinn að þínu mati, viljum kannski ekki hengja neinn en við viljum breytingar og byggja nýtt þjóðfélag á nýjum hugmyndum og nýrri stefnu. Græðgisvæðingin er liðin undir lok og fólkið sem stóð fyrir henni getur tekið pokann sinn og leyft öðrum að komast að. Nýtt land verður ekki til nema með einhverjum breytingum. Og þó Íslendingar séu langþreyttir til vandræða trúi ég ekki öðru en þeir láti í sér heyra þegar ástandið fer í alvöru að versna - í mars á næsta ári verður fjöldi manns atvinnulaus með innkomu sem dugir kannski bara fyrir mat og helstu nauðsynjum. Hvað þá? Hvaða afstöðu ætlarðu að taka þegar skríllinn verður orðinn ógnvekjandi stór hluti af þjóðinni?

[Hlédís, 17.12.2008 kl. 12:52]

Vitið þið að orðið REGLUVERK er prentsmiðjuþýðing á þýska orðinu Regelwerk (!) - og kviknaði hélendis um þær mundir að EES-löndin gerðust skyldug til að taka upp reglur og tilskipanir ESB?!

[corvus corax, 17.12.2008 kl. 12:58]

Ert þú "einhvur" ekki bara sjálfur pedofil sem argast út í þá sem þora að láta heyra í sér og mótmæla? A.m.k. ertu algjör aumingi sem lætur aðra berjast fyrir þig ...skíthæll!

[Herborg Drífa Jónasdóttir (IP-tala skráð) 17.12.2008 kl. 13:21]

Þessi mótmæli eru ekki rakalaus öskur.....og þú hefur greinilega ekki greind til að lesa á milli línanna hvað ég var að reyna að segja....En það var hversu siðlaust það væri að hafa mann við störf í okkar banka sem hefur fengið dóm á sama vettfangi.

[einhvur, 17.12.2008 kl. 13:41]

eva: Já alveg er það ferlegt hvað ég aðhyllist öfgafulla „haltu kjafti“-stefnu, ha? Það er ekki nóg með að mér finnist að menn eigi frekar að rökræða en kasta eggjum, mér finnst líka að þeir sem vilja tjá skoðanir sínar eigi engan guðs-gefinn rétt á að gera það með því að setjast að í Landsbankanum og æpa á starfsfólk þar "Út með spillinguna!". Alveg hreint svaaaakaleg „haltu kjafti“-stefna.

Svo er nú ansi ríkt af þér að kalla þá sem aðhyllast öskrin og eggjakastið "við hin". Hvað ætli "þið hin" séuð þá mörg? 70? Þú hefur eitthvað misskilið þetta. Við hin erum þau hundruð ÞÚSUNDA landsmanna sem kjósum að setjast EKKI að skrækjandi í bankastofnunum. Það erum VIÐ sem sitjum uppi með að þrífa skítinn eftir útrásarliðið, Bretana og ESB og nú eggjadrulluna eftir ykkur æpandi skrílinn. Það erum VIÐ sem erum í stað öskurs og slagsmála við lögreglu að reyna að finna út hvernig við getum byggt hér aftur mannvænlegt samfélag. Ég skil það vel að ef þú ert í þeim litla minnihluta sem stendur grímuklæddur í stympingum við lögreglu, án þess að hafa fram að færa nokkra einustu uppbyggilega hugmynd að lausn á vandanum, þá hugnist þér lítt að fara eftir því lýðræðisfyrirkomulagi sem við þjóðin höfum komið okkur saman um, þ.e. reglulegar kosningar og þess á milli vinnufrið þeirra sem við höfum kosið sem fulltrúa okkar. Frá þeim sjónarhóli er anarkí og "bylting" sennilega bara mjög flott og töff. Þetta er enda nýja tískubólan á Íslandi, að skila stóru jeppunum til kaupleigufyritækjanna og leggja Boss-glansgallann og vera núna "reiður" og "mótmæla", ja, helst öllu og öllum. Grrr! Það er ekkert sexý að taka ábyrgð eða takast á bara með orðum á prenti, hvað þá að reyna að leita að raunverulegum leiðum út úr ástandinu. Miiiiiklu flottara að sletta einhverju ógeði á vondu vondu byggingarnar, skrækja á þá sem afgreiða í bönkunum eða tuskast við lögguna. ÞAÐ er sko KÚÚL!

corvus: :) Vááá hvað ég sé þig fyrir mér, nööötrandi af reiði yfir því að einhver dirfist að tjá aðra skoðun á "ástandinu" en þú aðhyllist. Halt þú bara áfram að æpa "Sieg Heil!" og öskra niður þá sem eru þér ósammála með viðbjóðslegum viðurnefnum. Ætli við óþekka liðið megum ekki hlakka til að verða sett í sérstakar fangabúðir "þegar skríllinn verður orðinn ógnvekjandi stór hluti af þjóðinni" eins og eva lofaði hér áðan? Jibbí. Aaakkúrat það sem við eigum skilið fyrir að leyfa okkur að opna kjaftinn.

Herborg Drífa: Ég ætla að láta nægja að segja við þig: Af tillitssemi við þá sem hafa horft upp á viðbjóðslegar afleiðingar barnaníðinga þá ættir þú að sjá sóma þinn í að láta vera að jafna slíku ofbeldi við fjárdráttarbrot hjá einhverri fyrrverandi brúðu þeirra Baugsfeðga.

[Eva Hauksdóttir (IP-tala skráð) 17.12.2008 kl. 13:50]

Þegar ríkisstjórnin er búin að segja af sér, búið að skipta um bankaráð í Seðlabankanum og stjórnarmenn hjá fjármálaeftirlitinu og alla stjórnendur hjá bönkunum, þegar búið er að koma á stjórnkerfi sem býður ekki beinlínis upp á að vald safnist á fáar hendur, þegar búið er að senda lánið frá AGS út í hafsauga og tryggja að fólk geti eignast íbúðirnar sínar án þess að greiða þær tíföldu verði, þegar réttindi sjúklinga, barna, gamalmenna og annarra lítilmagna verða sett ofar rétti auðmanna til endalauss neyslusukks, þá mun ég taka til athugunar áskoranir um að hætta.

Annars er það misskilningur að einhver hópur fylgi mér. Ég hinsvegar fylgi nokkrum hópum.

[einhvur, 17.12.2008 kl. 14:41]

(Æ, þessi Júlíus eiginlega stal af mér þrumunni á meðan ég var að skrifa eftirfarandi langloku. Jæja, læt þetta samt flakka:)

Eva:

Fyrst: Biðst velvirðingar á misskilningnum. Leyf mér jafnframt að benda þér á að það er misskilningur ef þú heldur að frá mér séu komnar nokkrar áskoranir um að þú hættir einu eða neinu. Ég hef einungis verið að lýsa MINNI skoðun á málningaslettu-eggjakasts-öskurgarg-mótmælum sem hafa verið áberandi í fjölmiðlum síðustu vikur.

En svo, að kjarna málsins: Rétt eins og í svari mínu til Ace fagna ég öllum viðbrögðum þar sem örlar á málefnum, ekki síst ef um málefnaleg rök er að ræða. Í svari þínu, sem er ærið full af klisjum sem mundu sóma sér vel í frambosræðum pólitíkusa, örlar hins vegar á nokkrum punktum sem hönd er á festandi. Leyf mér að tína þetta í sundur:

1. Þegar ríkisstjórnin er búin að segja af sér,

OK, vesgú, fyrirsögn í stríðsletri í blöðunum í fyrramálið: "RÍKISSTJÓRNIN SEGIR AF SÉR!" og hvað viltu að gerist næst? Í raunveruleikanum (æ þú veist, þar sem óskhyggjan, froðusnakkið og klisjurnar duga svo helvíti skammt) þá eru Kratarnir og Íhaldið enn með meirihluta á þingi (jú af því að mikill meirihluti kjósenda kaus þessa flokka síðast) og hvað? Tvennt virðist í stöðunni: Gamla græn-bláa samsuða Frammaranna (sem eru hverfandi og klofnandi) eða Samfylking og VG ganga í eina sæng með Hitler-flokki Jóns Magnússonar. Og hvað? Erum við bættari með glænýjan skælbrosandi utanríkisráðherra Valgerði Sverrisdóttur, sem var bankamálaráðherra hér í áratug á meðan verið var að setja allar þessa ESB-reglur um bankana? Eða skælbrosandi utanríkisráðherra Steingrím Joð, sem hefur það eitt sér til frægðar unnið að vera á móti hreinlega öllu og öllum, jafnvel þannig að þegar hægt var að mynda hér vinstri stjórn eftir síðustu kosningar þá var hann á móti því líka? Allt að einu myndum við samt sitja uppi með Skötubrosið eða Sollu sem forsætisráðherra og megnið af þeirra ráðherra liði sæti bara áfram í "nýju" ríkisstjórninni. Og Hvað?

2. búið að skipta um bankaráð í Seðlabankanum

Sama og 1: Fjórflokkurinn skiptir einu setti af þreyttu pólitísku liði út fyrir annað. Og hvað? Hvað LAUSN er í því?? Ennþá fleira lið á biðlaun. Greit.

3. og stjórnarmenn hjá fjármálaeftirlitinu

Mmm, enn það sama og 2: Fleiri biðlaun, nýtt safn flokksgæðinga í stað þeirra gömlu.

4. og alla stjórnendur hjá bönkunum,

Já bara alla! OK, það er nýbúið að reka alla bankastjórana og ca. helminginn af framkvæmdastjórum allra bankanna og leita logandi ljósi að einhverju "nýju" liði í þá stóla, sem samt vita eitthvað um að reka banka. Nei, þetta er alveg rétt hjá þér, ég sé þetta núna. Rekum aftur alla forstjóranna og framkvæmdastjórana og BÚUM bara til eitthvað bankafólk og setjum í þessi störf. Málið leyst. Allur okkar vandi farinn. Púff. Búið.

5. þegar búið er að koma á stjórnkerfi sem býður ekki beinlínis upp á að vald safnist á fáar hendur,

OK, hér ertu að nálgast jörðina og klisjuslepjan að renna burt: Hér er ég reyndar bara alveg sammála þér. Í stutt máli: Hvað er vald og hvernig tryggjum við að það sé á fárra höndum?

- Hvað er vald? Það er að vísu teygjanlegt hugtak, en við getum alla vega byrjað á ríkisvaldinu og fjórðu stoðinni og svo t.d. "auðvaldinu".

- Hvernig tryggjum við dreifingu: Þrígreinum ríkisvaldið og skikkum framkvæmdavaldið með þingræði til að sitja einungis ef löggjafarvaldið þolir það. Skipum dómarana eða einfaldlega kjósum þá beinni kosningu. Kjósum allar sveitarstjórnir. Kjósum allt klabbið á fjegurra ára fresti til að gefa smá tíma til að vinna milli kosninga og prófkjöra. Stjórnendur allra stofnenda skipaðir af okkar fulltrúum, þ.e. anað hvort framkvæmda- eða löggjafarvaldinu. Sko, þetta var fljótafgreitt. Hvað þá með fjölmiðlana og auðvaldið? Setjum samkeppnislög og fjölmiðlalög sem banna að öll fyrirtæki í tilteknum rekstri safnist á sömu hendi. Reynum svo að finna balans í þessu örþjóðfélagi þar sem fundið er eitthvað jafnvægi milli samþjöppunar og eignaréttar. Þarna er greinilega eftir óunnið verk.

6. þegar búið er að senda lánið frá AGS út í hafsauga

U-hu. Ræt. Og hvað eigum við að gera í staðinn? Ég er búinn að lesa greinar frá svona tuttugu hagfræðingum sem segja að það þýði bara að krónan fari sömu leið og Simbabve-iski dollarinn, sem þýðir að allir með lán, hvort sem þau eru verðtryggð eða í myntkörfu, margfaldist og þá fara allir á hausinn. Gegn þessu hef ég lesið nákvæmlega eina grein sem virtist vit í, en var ekki mjög sannfærandi. Nú er ég ekki hagfræðingur, þannig að ég verð að fá eitthvað meira en "hafsauga" til að sannfærast um þennan punkt. Sorrý.

7. og tryggja að fólk geti eignast íbúðirnar sínar án þess að greiða þær tíföldu verði,

OK, sum sé þeir sem þegar eru búnir að taka lán fyrir megninu af þeim, eins og flestir virðast gera í þeirri VON að lánið eigi bara ekkert eftir að breytast neitt að ráði, jafnvel þó þetta séu verðtryggð eða myntkörfulán? Jújú, eins og ég sagði í 6 þá skil ég auðvitað að það væri náttúrulega ömurlegt fyrir það fólk að missa íbúðirnar og þurfa að fara aftur að leigja eins og ég. Að vísu eru stærstur hluti þeirra sem ekki búa í fyrstu íbúðinni sinni búnir að kaupa á síðustu árum og selja þá með feitum hagnaði gömlu íbúðina sína. Ég er ekkert að gráta úr mér augun yfir því fólki svona almennt. En OK, verðum við þá ekki að skoða hvort við eigum að skipta um gjaldmiðil á næstu mánuðum? Er það ekki það sem allir eru ólmir að tala um núna? Þar virðist einkum vera hægt að taka upp einhliða annan gjaldmiðil eða taka upp einhvers konar "myntráð" eins og Hong Kong o.fl. Asíuríki gerðu þegar þeir gengu í gegnum sína kreppu fyrir rúmlega áratug. Evra virðist vera framtíðarmúsígg, þar sem við þyrftum fyrst að fá inngöngu í ESB og síðan sækja um EMR, sem fæst ekki aðgangur að fyrr en í fyrsta lagi eftir að búið er að uppfylla svokölluð Maastrict-skilyrði í tvö ár (hef hér ekkert sjáfstætt fræðilegt innlegg heldur er tótallý blowing this out my ass, þ.e. að éta þetta upp eftir hagfræðistóðinu) en við höfum víst ALDREI uppfyllt þau skilyrði hingað til, svosem um lágan halla á fjárlögum, lág ríkisútgjöld og lága verðbólgu.

8. þegar réttindi sjúklinga, barna, gamalmenna og annarra lítilmagna verða sett ofar rétti auðmanna til endalauss neyslusukks,

Æ kommooooon, þetta er algjör klisja. Gæti hfa gubbast út úr Guðna Ágústssyni á síðasta framboðsfundi hans í einhverju krummaskups-félagsheimili á Suðurlandi fyrir síðustu kosningar. Vantar bara "Íslandi allt!" og "Lifi sauðkindin!" Komdu með eitthvað meira konkret svo hægt sé að ræða þetta.

Annars bara gott. Takk.

[Eva Hauksdóttir (IP-tala skráð) 17.12.2008 kl. 15:39]

Sæll Júlíus Valur

1 Það er enginn flokkur í boði sem mig langar sérstaklega að taki við stjórn landins við núverandi aðstæður. Ég tel nauðsynlegt að breyta stjórnkerfinu og fyrirkomulagi kosninga og að áður fari fram mikil og góð umræða. Ég vildi helst koma á þjóðstjórn til bráðabirgða en ef yrði kosið í dag um sömu flokka og síðast myndi ég gefa VG mitt atkvæði, vegna þess að enginn annar flokkur hefur sýnt umhverfis- og mannréttindamálum jafn mikinn áhuga. Það væri þó neyðarúrræði.

2. Ég vil helst svo mikilar breytingar á stjórnkerfinu að hægt sé að leggja ráðherrastöður í núverandi mynd niður. Það er þó ekki raunhæft. Ég myndi því vilja sameina embætti forseta og forsætisráðherra og láta kjósa í það embætti. Helst ættu allir að vera í framboði og enginn kosningaáróður leyfður. Ég myndi sjálf kjósa fyrrum tengdamóður mína, elskulegan hjúkrunarfræðing og húsmóður, vegna þess að hún er heiðarleg, vel upplýst og með ríka réttlætiskennd en myndi aldrei sækjast eftir völdum. Æðstu embættismenn ættu nefnilega að vera þjónar fólksins en ekki valdasjúkir eiginhagsmunapotarar.

3-5 Ég hef ekki nógu mikið vit á fjármálum sjálf til að hafa forsendur til að taka ákvörðun um þetta ein. Ég get þó svarað því strax að ég vil ekki hafa fjárglæframenn í þessum stöðum. Ég sé þó enga ástæðu til annars en að krefjast þess að þeir rugluhalar sem nú sitja í þessum stöðum á ósiðlega háum launum, víki og það hið snarasta. Ef heilaskurðlæknir er staðinn að því að gera tilraunir á sjúklingum í leyfisleysi og/eða gerir þau mistök að skera burt heiladingulinn í stað krabbameinsæxlis, þá mun ég krefjast þess að hann víki úr starfi. Það merkir hvorki að ég sé fær um að útnefna arftaka hans eða að ég vilji prófa hnífinn sjálf.

[Gammurinn, 17.12.2008 kl. 21:54]

Það er augljóst að yfir 90% þjóðarinnar sjá ekki tilgang í því að mæta á þá mótmælafundi og skipulögðu skrílslæti sem haldin hafa verið. Við getum því andað róleg.

[eva (IP-tala skráð) 17.12.2008 kl. 23:13]

Ég vil biðja þig nafnlausi bloggari um að leggja mér ekki orð í munn. Ég er ekki ein af þeim sem hef komist úr vinnu til að standa við Landsbankann en er ekki ósammála þeirri kröfu sem það fólk leggur á sig til að koma á framfæri. Ég er heldur ekki nötrandi eins og þú segir og jafnvel með egg í hönd að kasta út og suður. en ég ætla heldur ekki að dæma þá sem það gera. Ég hef mætt með börnin mín á Austurvöll til að sýna samstöðu. Ég hef mætt á flesta borgarafundi og er ánægð með hvað mönnum hefur tekist vel til með þá fundi. Þegar ég talaði um okkur hin þá var ég ekki að tala um þig versus okkur hin heldur okkur hin sem ekki erum sammála þér. Haltu nú ró þinni þar sem þú vilt að allt sé með spekt. Ég á fjögur börn og er og mun berjast fyrir mínu eins og flestir aðrir í þessu samfélagi á næstu árum. Mér er umhugað um að tekið sé á spillingu hér - sérstaklega þar sem ég veit að slík samfélög finnast því ég hef búið annars staðar á Norðurlöndunum. Ástæðan fyrir að ég fór að krota eitthvað hér var líklega sorgleg heift þín og orðbragðið. Margir eru reiðir og ég persónulega gleðst yfir að fólk hafi orku til að láta í sér heyra. Flott hjá þeim.

[Haukurinn, 18.12.2008 kl. 08:20]

Mér finnst það alltaf skemmtilegt að sjá stuðningsmenn þessara svonefndu 'aktivista' kvarta yfir bloggurum sem skrifa undir dulnefni - eins og sjá má í upphafi athugasemdaflæðisins. Er það nokkuð frábrugðið blessuðum börnunum með lambúshetturnar?

Þar er talað um að þau séu að leggja áherslu á málstaðinn, ekki manneskjuna. Hví gildir ekki hið sama um bloggara?

Góðar stundir.

[Ragnar Aðalsteinn Guðjónsson, 18.12.2008 kl. 09:11]

Herra einhvur

Ég er vissulega sammála mjög mörgu sem þú hefur sagt hér.

Varðandi nafnleyndi..það verðir þú verður náttúrulega að eiga það við sjálfan þig.

Hitt er annað mál hvar línan á milli mótmælta og skrílsláta byrjar það finnst mér athygliverðast.

Svo virðist vera að þegar þú ert 18 til 25 ára þá ertu með skrílslæti.

enn ef Hörður Torfa er með þá er allt í góðu ;)

Sem verður að teljast magnað.

Þetta er samt svo tilgangslaus umræða því ekkert breytist nema við breytum eitthverju.

[einhvur, 18.12.2008 kl. 09:13]

eva: Mér finnst leitt ef þér finnst á þig hallað í svörum mínum. Ég hef hins vegar ekki vitnað í neina beina ræðu þína og hef þér því engin orð lagt í munn. Þá hef ég heldur ekki sagt þig "nötrandi" eða persónulega kastandi eggjum. Ég hef hins vegar fullyrt að þú teljir þig fylgjandi slíku athæfi, enda virtist ekki hægt að lesa annað út úr skrifum þínum.

En varðandi það að "halda ró sinni": Hér er einmitt komið að kjarna málsins. Margir hér að framan eru rasandi yfir að ég skuli leyfa mér að tala af hita um átök við lögreglu, málningarslettur, eggjakast og það að ryðjast inn á vinnustaði fólks og skrækja á það. Til dæmis segist þú hafa gripið til lyklaborðsins sérstaklega til heiðurs "sorglegri heift [minni] og orðbragði[nu]". Í næsta orði segist þú hins vegar: "Margir eru reiðir og ég persónulega gleðst yfir að fólk hafi orku til að láta í sér heyra". Núnú? Einhvern veginn virðist þetta ekki ganga upp, þ.e. að þú skiljir að fólk tjái reiði sína en þurfir samt sem áður að sussa á mig vegna heiftar minnar og orðbragðs. En skýringin er einföld: Ég. Er. Ekki. Sammála. Þér. Það er nú bara svo einfalt. Og ÞÁ er allt í einu ekki bara orðið illskiljanlegt að ég sé að "tjá reiði mína". Nei, þá þarf sérstaklega að biðja mig að "halda ró minni". Guð forði því að ég skyldi nú barasta leyfa mér að tjá mig á 'prenti', í ljósi þess að ég virðist ekki hreyfast nægilega þýðlega með lýðnum. Staðreyndin er sú að ég er ekki í tísku, er ekki reiður á 'réttan' hátt og skal því bara hafa mig hægan. Það að ég hef mér það eitt til sakar unnið að slá inn stafi á skjá, en ekki til dæmis farið á vinnustaði mótmælenda og slett þar skrækjandi málningu og landbúnaðarafurðum, er svo auðvitað algert aukaatriði, er það ekki? Ég á bara að hafa mig hægan. eva: Sérðu virkilega ekki hræsnina í þessum málflutningi? Sérðu ekkert skína í "ég-tala-en-þú-skalt-hafa-þig-hægan-því-ég-er-réttari-en-þú" tóninn í þessu?

Ég er að vara við því að málningin, öskrin og eggjakastið eru komin helvíti nálægt því sem einhver laganemi við HR hótaði á einni samkomunni sem þú segist sækja á Austurvelli:

"Því segi ég; ríkisstjórnin fær EINA viku til þess að boða til kosninga og viðurkenna getuleysi sitt til að leiða okkur út úr þeim hörmungum sem hún hefur komið okkur. Að öðrum kosti þá fyllum við fólkið í landinu þingið, stjórnarráðið og ráðherrabústaðina og berum þá út sem ábyrgir eru!"

Já takk, brjótast inn í opinberar stofnanir og bera þaðan út fulltrúa okkar, kjósenda í landinu!

Nú þegar er farið að örla á þessari fullnustu dóms götunar, "veist sé að" þeim sem fólk er "reitt út í", samanber frétt í gær um aðsúg hóps "mótmælenda" að hinum seinheppna Baugi yngri:

http://www.visir.is/article/2008636449474

Hversu lengi eigum við að bíða þess að "réttlát reiði" fólks leiti meiri "útrásar" en bara í ýlfri, drulluslettum og stöku snjóbolta?

Punkturinn er þessi: Það er sitthvað að "halda ró sinni" í þeim skilningi að maður skuli halda kjafti og ekki tjá sig á prenti og svo það að láta vera að ryðast inn á vinnustaði fólks og öskra á það. Sérðu virkilega ekki muninn á þessu tvennu, eva?

[einhvur, 18.12.2008 kl. 09:31]

Ragnar Aðalsteinn: Það liggur sannleikur í því sem þú ert að segja, þ.e. að þeir sem eru ekki lengur yngri en 25 eru ærið fljótir að afgreiða orð og æði þeirra sem það eru sem barnabrek sem lítt mark sé takandi á. Ég gerist iðulega sekur um þetta. Og það þó ég viti að ég-yngri-en-25 væri alveg hoppandi yfir slíkri framkomu hjá mér-eldri-en-25. Þetta er bara valíd punktur.

Hins vegar verða yngri en 25 að taka gagnrýni á sína háttsemi rétt eins og þeir sem eldri eru. Hópur verður í mínum augum skríll þegar hann telur sig mega ráðast gegn öðru fólki af því að hann er "reiður", hvort sem það felst í að grýta drasli í fólk eða fasteignir eða ryðjast inn á vinnustaði fólks og öskra á það. Þetta eru skrílslæti hvort sem skríllinn er ungur eða aldinn. Það felst líka svo mikill hroki í þessu. Með aðgerðum sínum sýnir slíkur hópur að hann telur sig eitthvað merkilegri en við hin, að skoðanir meðlima hópsins séu einhvern veginn göfugri en svo að þær verði bara að fara með eftir einhverjum boríng leiðarkerfum lýðræðisins. Þar er röksemdafærslan ekki flókin: "Djöfulinn á ég að þurfa að standa í því að finna og kjósa mér fulltrúa á þing eða í borgarstjórn sem berst fyrir mínum hugmyndum, þegar ég veit að þessar hugyndir eru svo réttlátar og mikilvægar að fyrir þeim verður bara allt að víkja, þar á meðal lög og regla í þjóðfélaginu. Ég meina ég vil reka ráðherrann NN og þá skal ég sko barasta bera hann út! Og svo er ég svo reiður sjáðu til að allir aðrir verða bara að gjöra svo vel og finna til samúðar með því!"

Þannig að ég get ekki borið blak af Herði Torfasyni, sem hvatti fólk á fjöldafundi sínum til að fara upp að lögreglustöð á Hverfisgötu og "mótmæla kröftuglega", sem það og gerði og leiddi til þess að sá hópur breyttist í skríl sem braust þar inn. Það var ábyrgðarlaust, enda meiddust þar bæði skríll og lögregla. Hvar eru þeir sem kalla eftir að Hörður axli ábyrgð á þessu óvitaverki sínu? Hvað ef þessi átök hefðu farið verr og einhver hefði beðið varanlegan skaða?

Nei, maður þarf svo sannarlega ekki að vera yngri en 25 til að gera heimskulega hluti eða stofna fólki í hættu.

[Kommentarinn, 18.12.2008 kl. 18:24]

Ég verð að vera ósammála því að skoðanir þurfi alltaf að vera bundnar nöfnum. Það gerir þær engu minni. Mörg dýrmætustu bókmenntaverk bæði íslands og heimssögunnar voru skrifuð í nafnleysi.

Annars finnst mér að stjórnar og viðskiptaskríllinn hafi kallað yfir sig egg og öskur þessara ágætu góðborgara með lambhúshetturnar. Þetta þjóðfélag væru nú alveg komið í ræsið ef enginn léti í sér heyra og engar rúður væru brotnar.

[Heiða (IP-tala skráð) 18.12.2008 kl. 19:44]

heyr, heyr!!!

[einhvur, 19.12.2008 kl. 11:08]

Kommentarinn: "Þetta þjóðfélag væru nú alveg komið í ræsið ef enginn léti í sér heyra og engar rúður væru brotnar." Óljóst hjal af þessu tagi er varla hægt að skilja nema á þrjá vegu:

1) Þér er alvara með að ofbeldi og eignakemmandi lýður eigi rétt á sér, án neins sérstaks tillits til hversu langt hann gengur. Þá myndir þú t.d. líklega kommenta þannig ein morguninn ef þetta heldur áfram á sömu braut: "Jújú, það voru að vísu brenndir einhverjir bílar og einhverjar löggur beinbrotnuðu. Það grær nú allt saman. Og svo þetta fólk sem átti heima í þessum húsum, ja það mátti alveg eiga von á því að það yrði brennt ofan af því, enda var þetta svo ríkmannlegt að það var örugglega illa fengið." Ef það er þetta sem þú ert að segja þá er bara ekki hægt að vera sammála þér, enda um algerlega ábyrgðarlaust röfl að ræða.

2) Þú ert til í smá eyðileggingu en ekki of mikla, svona jújú það má mölva rúður og kannski drulla út híbýli og vinnustaði fólks en kannski ekki meiða fólk. Alla vega ekki mikið. Ef þú varst að reyna að segja þetta þá er ég aftur ósammála þér, en af annarri ástæðu: Þetta er svo svakalega barnalegt. Að halda að það sé einhvern veginn hægt að draga aeinhverja ósýnilega línu þar sem hópur sem gengur óáreittur um og færist hægt og rólega í aukana í því að veitast að fólki öskrandi og grýtandi hlutum og mölvandi sífellt fleira á fleiri stöðum. Auðvitað heldur athyglisþyrstur skríllin uppteknum hætti á meðan hann er ekki stöðvaður. Og hvenær ætti svo að grípa í taumana? Hversu mikið þarf að eyðileggja? Á að fara af stað þegar einhver hefur brennst, misst auga, látið lífið? Og hvernig höldum við okkur "úr ræsinu" með því að yppta öxlum með einhver lýður fer brjótandi og bramlandi um borgina? Í alvöru, hver á að vera tilgangurinn með eyðileggingu? Er líklegt að einhverjir sem eru ekki á sömu skoðun og skríllinn segi einn daginn við sjálfan sig "Jaaaá, var verið að mölva allar rúður í utanríkisráðuneytinu? Ja svei, nú er ég sko búinn að snúast á sveif með þessu röska eðyileggingarliði. Best að ná í öxina og slást í lið með þeim."?

3) Þér finnst þetta "töff", upplífgandi og hressandi: Við þig hef ég það eitt að segja að ég vorkenni þér ef þú átt svo leiðinlegt líf að ú finnir þá einu fró í því að fylgjast með skríl taka út heift sína á byggingum og starfsfólki einhverra stofnana úti í bæ. Slíkt er eiginlega vandræðalega aumkunarvert.

[Diesel, 19.12.2008 kl. 11:28]

bláa höndin bloggar?

[einhvur, 19.12.2008 kl. 12:01]

Diesel: Je ræt. Nei, mínar hendur eru fallega bleikfölar og allt að því dömulega sigglausar, eftir að ég tók til við skrifstofustörf.

[Eiríkur (IP-tala skráð) 20.12.2008 kl. 05:17]

Hugsiði ykkur ef að jafnandlega tæpa geðstirðar kellingar og Eva hauks og Heiða skessa myndu ráða einhverju á þessu landi